Türkiyənin gəmi əleyhinə raketinin sınağı uğurlu OLUB

Türkiyə Prezidenti R.T.Ərdoğan xeyir-dua verib

Türkiyənin gəmi əleyhinə raketi “Atmaca” ("Şahin") ordunun silahlandırılmasına daxil olmazdan əvvəl son sınaq zamanı gəmi formalı suüstü hədəfi müvəffəqiyyətlə vurub.

Aznews.az xəbər verir ki, bu barədə Türkiyə Prezidenti Rəcəb Tayyib Ərdoğan özünün tvitterdəki səhifəsində bildirib.

Dövlət başçısının sözlərinə görə, həlledici sınaq bu gün keçirilib.

“Vətənimizin polad qılıncı, gəmi əleyhinə raket “Atmaca” hərbi arsenala daxil olunmasından əvvəl bu gün son sınağı zamanı ilk dəfə gəmi şəklində hədəfi vurdu. Silahlı Qüvvələrimizə və Donanmamıza xeyirli, uğurlu olsun”, - prezident sosial şəbəkədəki hesabında yazıb.

Türkiyə Prezidenti həmçinin raketin müvəffəqiyyətli sınağını əks etdirən videonu da paylaşıb.