İsrailin Hayfa limanını Çinə icarəyə verməsindən narahatlıq ifadə edilib İsrailin Hayfa limanını Çinə icarəyə verməsindən narahatlıq ifadə edilib
  • Qərb
  • 16 İyun 2019 15:32
  •  3 372

ABŞ Senatı İsrailə xəbərdarlıq etdi

İsrailin Hayfa limanını Çinə icarəyə verməsindən narahatlıq ifadə edilib

ABŞ Senatının Silahlı qüvvələr üzrə komitəsində 2020-ci il hərbi büdcəsi ilə bağlı qanunvericilik layihəsinin müzakirəsi zamanı İsrailin Hayfa limanını Çinə icarəyə verməsindən narahatlıq ifadə edilib və rəsmi Tel-Əvivə xəbərdarlıq olunub.

Bəhs olunan xəbərdarlıq Milli Müdafiə Səlahiyyəti adlanan sənəd layihəsində (NDAA) də öz əksini tapıb.

Sənədin 1289-cu bölümündə İsraillə bağlı olaraq “ABŞ-ın Hayfa limanında gələcəkdə dəniz birliklərini yerləşdirmə məsələsində planları olduğu, bu səbəbdən də limanın icarəyə verilməsinin doğru olmadığı bildirilib. Bundan başqa “Senat İsrail hökumətinə xarici sərmayənin təhlükəsizliyinin təmin olunması məsələsində xəbərdarlıq edilməsi qənaətindədir”, - cümləsinə yer verilib.

Anadolu agentliyinin xəbərinə əsasən, bəhs olunan hüquqi aktdakı müddəa Hayfa limanının Çinə aid “Shanghai International Port Group”a 2021-ci ildən etibarən 25 illiyə icarəyə verilməsi barədədir.

Qeyd olunur ki, hələ bu ilin mart ayında ABŞ prezidenti Donald Tramp da baş nazir Benyamin Netanyahuya İsrailin Çinlə ticari əlaqələrini dərinləşdirməsinin ABŞ-ın mənafelərinə zidd olduğu barədə fikrini ifadə etmişdi. Bu məsələdə prezidentin milli təhlükəsizlik məsələləri üzər müşaviri Con Bolton və dövlət katibi Maykl Pompeonun da İsrail rəsmilərinə təzyiq göstərdiyi gələn xəbərlər arasındadır.

Baş nazir Benyamin Netanyahu isə hələ 2018-ci il oktyabrın 22-də Çin Xalq Respublikasının sədri Si Tzinpinin müavini Van Tsişanla Qüdsdə təşkil olunan iqtisadi zirvə toplantısında iki ölkə aradında sərbəst ticarət haqqında sazişin imzalanacağını söyləmişdi.

Hüquq ekspertləri Hayfa limanının Çin şirkətinin burada tikinti işlərinə başlaması səbəbindən ABŞ tərəfindən geri alınmasının mümkün olmadığını bildirirlər. (Musavat.com)