- Qərb
- 16 Avqust 2019 12:44
- 2 342
ABŞ-da universitet yaxınlığında atışma - 2 nəfər öldü
Daha 2 nəfər ciddi, 1 nəfər isə yüngül xəsarət alıb
Ötən gecə Alabama ştatının Montqomeri şəhərində, Alabama Dövlət Universiteti yaxınlığında baş verən atışma nəticəsində 2 nəfər ölüb, 3 nəfər isə yaralanıb.
“New York Post”a istinadən xəbər verilir ki, universitetin rəhbəri Kuinton Ross hadisənin işgüzar kampusda baş verdiyini bildirib.
Səhər tezdən hadisə yerinə gələn polis ölümcül yaralanan bir şəxslə rastlaşıb. Başqa birisi xəstəxanaya çatdırılandan sonra keçinib.
Polisdən verilən məlumata görə, daha 2 nəfər ciddi, 1 nəfər isə yüngül xəsarət alıb.
Universitet rəhbərliyinin nümayəndələri şəhər polisi ilə birgə hadisəyə dair araşdırma aparır. (Report)