AzNews.az-ın ans press-ə istinadən məlumatına görə, Murat Bozun komandasında olan azərbaycanlı iştirakçı Leyla Rəhimova növbəti mərhələyə keçmək üçün Gökhan-Hakan Özoğuzların komandasından olan Yusuf Yükseklə təkbətək qarşılaşıb.
Leyla Rəhimova Türkiyənin əfsanəsi hesab edilən mərhum Müslüm Gursesin repertuarından "Vazkeçməm" mahnısını ifa edib. Yusuf Yüksek isə Halil Sezainin "İsyan" mahnısını ifa edib.
Leyla Rəhimova ilə Yusuf Yüksekin ifası
Münsiflər heyəti Leylanı bəyənsə də zaldakı tamaşaçılar Yusuf Yükseki seçib. Beləliklə, həmyerlimiz müsabiqədə mübarizəsini dayandırıb.
Sosial şəbəkə istifadəçiləri Leyla və Yusufun arasındakı səsvermədə qərəzli mövqeyin olduğunu bildiriblər. Onlar "Yusuf yaxşı oxudu, amma Leyla daha çox layiq idi, haqsızlıq edildi" yazıblar.
"O səs Türkiyə"nin münsif kürsüsündə Muradla yanaşı müğənnilər Ebru Gündeş, Hadisə, Hakan və Gökhan Özoğuz qardaşları əyləşib.
Bir neçə gün əvvəl Leyla Rəhimova Sinan Erkeklə birgə duet səsləndirib. Musiqiçilər Deniz Sekinin repertuarından "Adaletsiz seçim" mahnısını ifa ediblər.
"O Səs Türkiyə" verilişi
Duetdən sonra münsif kürsüsündə əyləşən Murad Boz hər iki ifaçını tərifləyib. Lakin ulduz müğənni azərbaycanlı ifaçı Leyla Rəhimovanı seçib.