Fransa prezidenti işindən narazıdır - PARADOKS

6 Noyabr 2012 04:07 (UTC+04:00)
"Le Mond" qəzetinin yazdığına görə, son vaxtlar nəinki həmkarları, sadə vətəndaşlar tərəfindən də tənqid atəşinə tutulan Fransa prezidenti Fransua Olland işinin çətin olmasından gileylənib. Jurnalistlərə müsahibəsində Olland bildirib ki, bizim günlərdə hakim səlahiyyətləri icra etmək çox çətindir.

"Burada nə təəssüf, nə də hörmət hissi var. Mən bunu öz üzərimdə hiss etdim" - prezident deyib.

İşsizlik səviyyəsinin artması, iş yerlərinin azalması, iqtisadi problemlər ötən ayla müqayisədə noyabrda prezidentin reytinqini xeyli azaldıb. Fransızların yalnız 36 faizi ona etimad göstərirlər.

İki il müddətində iqtisadi vəziyyəti sabitləşdirməyə və işsizliyin səviyyəsini azaltmaga söz verən Olland deyib: "Sarkoziyə baxın. Vergi dayanıqlığını reallaşdırmaq üçün ona üç il vaxt tələb olundu".

Qeyd edək ki, hazırda Fransada işsizlərin sayı əmək qabiliyyətli əhalinin 10 faizini təşkil edir.

AzNews.az