Rusiyada “Qarabağ” konfetləri buraxılır - Foto
4 Fevral 2016 14:51 (UTC+04:00)
Şirkət Rusiyanın Omsk şəhərində qeydiyyatdan keçib.
"Sladunitsa" ASC-nin baş direktoru Yuliya Şestakova, marketinq xidmətinin rəhbəri isə Anastasiya Perminovadır.
O, şirkətin "Qarabağ" adı altında konfet istehsal etməsinin səbəblərini açıqlayıb. Eyni zamanda, bu işin arxasında ermənilərin dayanıb-dayanmadığına aydınlıq gətirib:
"Konfetlərin "Qarabağ" adı ilə istehsalı marketinq şöbəsinin ekspertləri tərəfindən irəli sürülüb. Vurğulamaq istəyirəm ki, məmulatın belə adlandırılması siyasi səbəblərlə bağlı deyil. Şirkətimiz beyənlxalq siyasətdən tamamilə uzaqdır".
Anastasiya Perminova şirkətin sahiblərinin Qazaxıstan vətəndaşı olan etnik ruslardan ibarət olduğunu və "Sladunitsa" şirkətinin rəhbərliyində erməni, yaxud azərbaycanlı şəxslərin çalışmadığını deyib.
Şirkət Rusiyanın 65 subyektində marmelad, şəkərli peçenye, şərq şirniyyatları və konfeltlər istehsal edir.
"Qarabağ" konfetlərinə gəlincə, 1 kiloqramı 430 rubla (8 manat 70 qəpik) satılan konfetlər şokolad və kakao tərkiblidir.
Modern.az