Salyanda yol qəzası baş verdi
17 Fevral 2016 09:32 (UTC+04:00)
AzNews.az Fövqəladə Hallar Nazirliyinin saytına istinadən xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Salyan rayonu ərazisində "RAF" markalı mikroavtobus ilə "Mercedes" markalı minik avtomobilin toqquşması nəticəsində yol nəqliyyat qəzasının baş verməsi barədə məlumat daxil olub.
Dərhal Fövqəladə Hallar Nazirliyinin Muğan Reqional Mərkəzinin xilasetmə qüvvələri hadisə yerinə cəlb olunaraq minik avtomobilində sıxılan vəziyyətdə qalan sürücünü çıxarıb və aidiyyatı üzrə təhvil veriblər. Əməliyyat saat 19:25-də başa çatıb.