Azərbaycanda peşə təhsili ilə bağlı konfrans keçirildi

25 Fevral 2016 13:43 (UTC+04:00)

Norveç Xarici İşlər Nazirliyinin maliyyə dəstəyi ilə həyata keçirilən layihənin əsas məqsədi Azərbaycanda peşə təhsili sahəsində həyata keçirilən islahata dəstək olmaq, gəmiçilik, dənizçilik, aqrar və balıqçılıq sahəsində peşə təhsili müəssisələrində kadr hazırlığı prosesinin səmərəli təşkili yollarını araşdırmaq, peşə təhsili sahəsində 3 tərəfli əməkdaşlıq əlaqələrinin inkişafı və normativ-hüquqi bazanın təkmilləşdirilməsidir.
Azərbaycan Respublikası Təhsil Nazirliyi ilə birlikdə həyata keçirilən layihə çərçivəsində qeyd edilən sahələr üzrə əmək bazarının tələblərinə uyğun olaraq kurikulumların hazırlanması, mühəndis-pedaqoji heyətin ixtisas səviyyəsinin yüksəldilməsi, müvafiq sahələr üzrə peşə təhsili müəssisələri ilə işəgötürənlər arasında tərəfdaşlıq əlaqələrinin yaradılması və üç tərəfli əməkdaşlıq əlaqələrinin genişləndirilməsidir.

Tədbirdə Təhsil Nazirliylinin və pilot peşə təhsili müəssisələrinin nümayəndələri ilə yanaşı, İqtisadiyyat, Kənd Təsərrüfatı, Əmək və Əhalinin Sosial Müdafiəsi, Ekologiya və Təbii Sərvətlər Nazirliklərinin nümayəndələri ilə yanaşı, Azərbaycan İşəgötürənlər Konfederasiyası, Sumqayıt Kimya Sənaye Parkı, Aztexnolayn və digər müəssisələri təmsil edən nümayəndələr iştirak edib.

afn.az