İran-Ermənistan dostluğunun daha bir təməli qoyuldu

8 Noyabr 2012 10:47 (UTC+04:00)

Ermənistan prezidenti Serj Sarkisyan və İranın Energetika naziri Məcid Həmdinin iştirakı ilə bu gün Mehri şəhəri yaxınlığında Su Elektrik Stansiyasının təməlqoyma mərasimi keçirilib. 2007-ci ildə imzalanan müqavilə bir il sonra parlametlərdə ratifikasiya edilsə də, tikinti 4 il yubanıb.

Müqaviləyə əsasən İran 15 il stansiyada əldə edilən enerjinin yeganə istifadəçisi olacaq ki, bu da stansiyanın tikintisinə ayrılan investisiyanın ödənilməsi məqsədi daşıyır.

Stansiyanın tikintisinin 5 il davam edəcəyi və 323 milyon dollar təşkil edəcəyi bildirlir. Yalnız 15 ildən sonra SES Ermənistanın mülkiyyətinə veriləcək.

Alpər Oğuz
AzNews.az