“Xalq İctimai Palataya inanmır”
8 Noyabr 2012 11:30 (UTC+04:00)
"Xalq inanmadığı üçün İctimai Palatanın keçirdiyi aksiyalarda iştirak etmir". Bunu AzNews.az-a açıqlamasında Azərbaycan Sosial Demokrat Partiyasının (ASDP) həmsədri Araz Əlizadə bildirib.
Onun sözlərinə görə, bütün aksiyalar göstərdi ki, İctimai Palata çox zəifdir: "Mən hər zaman demişəm ki, İctimai Palata (İP) yeni doğulmuş uşaqdır. İP-nin ictimaiyyət və xalq arasında nüfuzu yoxdur, xalq bu təşkilata inanmır. Mən Bibiheybətdə aksiyalar üçün ayrılan yerə də baxmışam, o yer aksiyalar üçün çox yaxşı ərazidir. Artıq həmin yerlərə asfalt da çəkilib. "Azneft" meydanından Bibheybətə avtobuslarla getmək isə təxminən 15-20 dəqiqə vaxt aparır. Hətta Bibiheybətə avtobuslar da çox işləyir".
Vasif Həsənli
AzNews.az