Ledi Qaqa “Sendi” qurbanlarına 1 milyon dollar verdi

8 Noyabr 2012 11:43 (UTC+04:00)

Sosial problemlərə etinasızlığı ilə seçilən məşhur müğənni Ledi Qaqa özü haqqında fikirləri dəyişmək qərarına gəlib.

AzNews.az-ın Qərb mətbuatına istinadən verdiyi xəbərə görə, Qaqa, "Sendi" qasırğasından əziyyət çəkən insanlara yardım məqsədilə Amerika Qırmızı Xaç Cəmiyyətinə 1 milyon dollar keçirdiyini deyib.

Özü də Nyu-York sakini olan Qaqa qasırğa vaxtı Puerto- Rikoda olsa da doğma şəhərində baş verənlərə laqeyd qala bilməyib və ilk dəfə xeyriyyə məqsədilə pul xərcləyib. ABŞ mətbuatı isə məşhur müğənninin bu hərəkətini cavabsız qoymayıb və onun ünvanına təriflər yağdırıb.

Sadiq Musa
AzNews.az