Qocalar evinə silahlı hücum – 17 nəfər öldü (Yenilənib)
4 Mart 2016 15:42 (UTC+04:00)
AzNews.az xarici KİV-lərə istinadən xəbər verir ki, Adendə qocalar evinə edilən hücum nəticəsində 16 nəfər həlak olub.
Hadisənin təfərrüatları hələki bilinmir.
***
Sky News Arabia telekanalından verilən məlumata görə, ölənlər arasında 4 nəfər Hindistan vətəndaşı var. Onların qocalar evində çalışan tibbi bacısı olduğu bildirilir.
14:47
***
Son məlumatlara görə, qocalar evinə edilən hücum nəticəsində ən az 17 nəfər ölüb. Bildirilir ki, ölənlərdən 12-si qocalar evinin sakini, 1-I mühafizəçi, 4-ü isə tibb bacısıdır.
"Aden əl-Qəd" informasiya portalının verdiyi məlumata görə, faciəvi hücumu 4 nəfər naməlum şəxs həyata keçirib. Onlar əvvəlcə qocalar evinin qapısını döyüb, qapıya yaxınlaşan mühafizəçiyə isə öz yaşlı analarını ziyarət etmək üçün gəldiklərini deyiblər. Mühafizəçi naməlum şəxsləri içəri buraxdıqdan sonra onlar avtomat silahlardan atəş açmağa başlayıblar.
Aydan Axundova