Avropa Millətlər Kubokunda 2-ci

10 Noyabr 2012 09:59 (UTC+04:00)

Rusiya paytaxtında güləşçilər arasında Avropa Millətlər Kuboku start götürüb. AzNews.az xəbər verir ki, ilk mübarizə günündə qadın pəhləvanlar xalça üzərinə çıxıblar.

Püşkatmaya əsasən, millimiz ev sahibələri və İsveç komandası ilə eyni qrupda yarışıb. Gərgin rəqabətdə Azərbaycan seçməsi hər 2 görüşdə qalib gələrək, finala yüksəlib. Qızlarımız Rusiyanı 4:3, İsveçi 6:1 hesabları ilə məğlub ediblər.

Həlledici mərhələdə rəqib Ukrayna yığması olub. Bu qarşılaşmada komandamız gözlənilmədən uduzub - 2:5.

Avropa Millətlər Kubokunda ölkəmizi böyük məşqçi Qrek İqnat və məşqçi Mehman Nəcəfovun rəhbərliyi ilə Fatimə Baqomedova (48 kq), Anjela Doroqan (51 kq), Yarina Dubovska (55 kq), İrina Netreba (59 kq), Anna Belyayeyva (63 kq), Natalya Palamarçuk (67 kq) və Dina İvanova (72 kq) təmsil ediblər.

Kamran Hacı
AzNews.az