Rəsul Quliyevin partiyasına təklif gəlməyib
12 Noyabr 2012 07:25 (UTC+04:00)
Noyabrın 17-də Bakıda İctimai Palataya daxil olan AXCP-Müsavat partiyaları "Partizan aksiyası" adı altında aksiya keçirməyi planlaşdırır. Məlumata görə, İP bu aksiyaya Rəsul Quliyevin lideri olduğu ACP-nin də qoşulması üçün danışıqlar aparır.
Məsələ ilə bağlı Açıq Cəmiyyət Partiyasının (ACP) sədri Sülhəddin Əkbər AzNews.az-a açıqlamasında onlara belə bir təklifin edilmədiyini bildirdi.
O qeyd etdi ki, aksiya ilə bağlı bizə müraciət olunsa, əvvəlcə müzakirə olunacaq, yalnız müzakirələrdən sonra qərar verəcəyik.
İlkin Pirəli
AzNews.az