Aliment ödəməyənlər - Həbs olunur

28 Mart 2016 12:12 (UTC+04:00)

Bunu Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov deyib.

Onun sözlərinə görə, 2015-ci ildə boşanmış ailələrdə alimentlərlə bağlı (alimentin ödənilməsi və ödənilməməsi üzrə işlər birlikdə) işlərin sayı 60565-dir.

E.Səfərov deyib ki, 2015-ci ildə alimentin ödənilməsindən yayınmaya görə inzibatı məsuliyyətə cəlb edilmiş şəxslərin sayı 2174 olub: "Əvvəllki illərdə bu fakt az olub. Əvvəlki dövrlərlə müqayisədə 2015-ci ildə alimentin ödənilməsindən yayınmaya görə inzibatı məsuliyyətə cəlb edilmiş şəxslərin sayı təxminən 500 nəfər çoxalıb".

E.Səfərov əlavə edib ki, alimentin ödənilməsindən yayınmaya görə inzibatı həbs tənbeh növü üzrə də 500-ə yaxın artım olub. Əvvəllər inzibatı həbs tənbeh növləri üzrə faktların sayı 1000-ə yaxın olsa da, 2015-ci ildə onların sayı 1499-ə yüksəlib. Ötən il alimentin ödənilməsindən yayınmaya görə barəsində cinayət işi açılan şəxslərin 233 nəfər olub.

Trend.az