Əkrəm Əylisli haqda - İltizam qətimkan tədbiri seçildi

7 Aprel 2016 15:21 (UTC+04:00)

Bu barədə məlumat verən vəkil Elçin Sadıqov bildirib ki, bu barədə istintaq orqanı tərəfindən qərar qəbul olunub.

Qeyd edək ki, Ə. Əylisli martın 30-da Heydər Əliyev adına Hava Limanında saxlanılıb. Daha sonra isə sərbəst buraxılıb.

Ötən gün ona Azərbaycan Respublikası Cinayət Məcəlləsinin 221.1-ci maddəsilə ittiham elan edilib. İttihamıa görə, Əkrəm Əylisli 30 mart 2016-cı il tarixdə ictimai qaydanı pozub, söyüşlər söyüb, DSX-nin əməkdaşı 15.09.1981-ci il təvəllüdlü Seyidov Nihal Azər oğlunun döş qəfəsinin sağ yarı hissəsinin yuxarı üçdə birinə zərbə vurub. Zərbə nəticəsində Seyidov Nihal Azər oğlunundöş qəfəsinin sağ yarı hissəsinin yuxarı üçdə biri hissəsində 3,0X2,5 ölçüdə soğlun göymütül qançır yaranıb.

Əkrəm Əylisli ittihamları qəbul etmədiyini, heç kəsə qarşı təhqir və fiziki zor tətbiq etmədiyini, belə hərəkətləri etməyə yaşının, fiziki durumunun və mnənəvi durumunun imkan vermədyini, cinayət işinin onun yazıçı fəaliyyəti ilə bağlı olduğunu bildirib.

APA.az