Əkrəm Əylisliyə 3 il həbs cəzası verilə bilər - Maddə dəyişdirildi

21 Aprel 2016 14:40 (UTC+04:00)

Bu barədə AzNews.az-a vəkil Elçin Sadıqov məlumat verib. Onun sözlərinə görə, bu gün o, Ə.Əylisli ilə birlikdə Hava Nəqliyyatında Polis İdarəsinin İstintaq Şöbəsində olub: "Əkrəm Əylisliyə qarşı CM-nin 221.1-ci maddəsilə qaldırılmış cinayət işi CM-nin 315.1-ci (Hakimiyyət nümayəndəsinə qarşı zor tətbiq etmə) maddəsinə tövsif edildi. Həmin maddədə 3 ilə qədər azadlıqdan məhrumetmə cəzası nəzərdə tutulur, başqa cəza növü yoxdur".

Vəkil qeyd edib ki, CM-nin 315.1-ci maddəsilə istintaq aidiyyatı prokurorluq olduğundan cinayət işi istintaq davam etdirilməsi üçün Bakı Şəhər Prokurorluğuna göndərilib.

Qeyd edək ki, yazıçı Əkrəm Əylisliyə qarşı xuliqanlığa (Cinayət Məcəlləsinin 221.1-ci maddəsi ilə) görə cinayət işi açılmışdı.

Bahar RÜSTƏMLİ
AzNews.az