90 min şagird biliyini sınayıb

15 Noyabr 2012 12:19 (UTC+04:00)

Bu gün Bakı məktəblərində istedadlı uşaqların yaradıcılıq potensialının aşkarlanması, onların istedadlarının inkişaf etdirilməsi məqsədilə keçirilən "Bilik yarışı"nda 90 minə yaxın şagird iştirak edib. Bu barədə məlumat AzNews.az-a Bakı Şəhəri üzrə Təhsil İdarəsindən verilib.

Yarış ənənəvi olaraq 3 mərhələdə - rayon mərhələsində bütün fənlər üzrə V – XI sinifləri əhatə edib. İkinci - şəhər mərhələsi isə VII – XI sinif şagirdləri üçün dekabrın 9 – da 9 fəndən keçiriləcək.

Bu mərhələdən qalib çıxmış şagirdlər (ingilis dili və coğrafiyadan başqa) yanvar ayında təşkil olunacaq olimpiadanın respublika mərhələsində iştirak hüququ qazanacaqlar.

Elnarə Əlosmanqızı
AzNews.az