“Əsas məqsəd təhsilin keyfiyyətinin artırılmasıdır” - Nazir
29 Aprel 2016 12:29 (UTC+04:00)
Bunu Azərbaycan təhsil naziri Mikayıl Cabbarov Azərbaycan Milli Elmlər Akademiyasının (AMEA) illik ümumi yığıncağında çıxışı zamanı deyib.
Azərbaycanın ali məktəblərində adambaşına maliyyələşdirmə mexanizminə artıq keçildiyini deyən M.Cabbarov qeyd edib ki, bu gün təhsil müəssisələrində tələbələrin sayına və keyfiyyətin artırılmasına üstünlük verilir: "Amma elmi fəaliyyətin dəstəklənməsinə yönəlmiş mexanizmlərdən məhkumuq. Alimlərin elmi tədqiqat işlərinin maliyyələşdirilməsi üçün onların ayrı imkanlara da malik olması vacibdir".
Nazir qeyd edib ki, son illərdə təhsil müəssisələrində kitabxanaların yenidən qurulmasına, xüsusilə elektron kitabxanaların yaradılmasına, tələbələrin elmi tədqiqatlara cəlb edilməsinə diqqət artırılıb: "Ali məktəblərin nəzdində texnoparkların yaradılması işlərinə başlanılıb. Düşünürəm ki, bu işləri genişləndirməliyik".
Trend.az