“Onları cənnətə yolladım” - QATIL
20 Noyabr 2012 07:50 (UTC+04:00)
Moskvanın cənubunda anasını və iki azyaşlı uşağını qətlə yetirən şəxs həbs olunub. Lent.az-ın Rusiyanın NTV kanalına istinadən verdiyi məlumata görə, hadisə Rusiya paytaxtının Brilyovo küçəsində baş verib.
Məlumata görə, axşam evə gələn qadın iki uşağını və qayınanasını qan içində ölmüş vəziyyətdə tapıb. Mənzildə həyat yoldaşının da olduğunu görərək nə baş verdiyini soruşub.
Əri "onlar artıq cənnətdədir, mən onları öz istəkləri ilə cənnətə yolladım" deyə cavab verib.Qadın mənzili tərk etmək istəyərkən əri hücum edərək onu da öldürmək istəyib. Amma qadın qaçaraq qonşuları köməyə çağırıb.
Maraqlıdır ki, hadisə yerinə gələn polis evin sahibinin heç hara qaçmadığını, əlində şam və ikona dua etdiyini görüblər. Polis ilkin araşdırmadan sonra müəyyən edib ki, qatil hansısa sektanın üzvüdür. Hazırda həmin sekta üzvlərini kimliyi araşdırılır.
AzNews.az