Polis turistin itirdiyi pul kisəsini taparaq sahibinə verdi - Bakıda

18 İyun 2016 13:26 (UTC+04:00)

Ərazidə xidmət aparan Daxili İşlər Nazirliyinin Baş Mühafizə idarəsinin əməkdaşları Filarmoniya bağında içərisində sənədlər və 1700 ABŞ dolları olan pul kisəsi tapıblar.

Polislər həmin ərazidən bir az kənarda "Formula 1" yarışması ilə bağlı Azərbaycana gələn turistlərdən birinin nə isə axtardığını görüblər. Məlum olub ki, tapılan pul kisəsi həmin turistə məxsusdur. Dəqiqləşdirmə aparıldıqdan sonra pul kisəsinin qonağa məxsus olduğu müəyyən edilib və sahibinə təhvil verilib.

APA.az