Nuridə Küskün İbrahim Tatlısəsin Bakını tərk etməsindən xəbərsizdir

23 Noyabr 2012 06:27 (UTC+04:00)
Türk musiqisinin imperatoru İbrahim Tatlısəs kosmoenerget, ektrasens Nuridə Küskünün müalicə prosesini qəfil dayandırıb.

İbrahim Tatlısəsin müalicəni yarımçıq qoymasının səbəblərini öyrənmək üçün Nuridə Küskünlə əlaqə saxladıq.

Ekstrasensin köməkçisi Azər AzNews.az-a açıqlamasında İbrahim Tatlısəsin Türkiyəyə getməsindən xəbərsiz olduğunu söylədi: "İbrahim Tatlısəs Bakıdadır. Dünən axşam da müalicə almışdı, bu gün də müalicəni davam etdirəcək. Hərə bir söz danışır. Saat 14:00-dan sonra Nuridə xanımla əlaqə saxlayıb, ətraflı məlumat öyrənə bilərsiniz".

Qeyd edək ki, İbrahim Tatlısəs bu gün səhər saat 10:00-da Bakı-İstanbul hava reysiylə Türkiyəyə yola düşüb.

Fuad Mədətov
AzNews.az