İranda sərnişin avtobusu aşdı - 16 ölü, 12 yaralı
23 İyul 2016 12:41 (UTC+04:00)
AzNews.az xarici KİV-lərə istinadən xəbər verir ki, hadisə Tehranın şimalında Kərəc-Çalus avtomobil yolunda baş verib.
İlkin ehtimallara görə, avtobus yol kənarındakı elektrik dirəyinə çırpılaraq aşıb. Hadisə nəticəsində 16 nəfər ölüb, 12 nəfər yaralanıb. Yaralananlar xəstəxanaya çatdırılıb.
Qeyd edək ki, Kərəc-Çalus avtomobil yolu turistlər arasında çox məşhurdur. Belə ki, turistlər bu yolla ölkənin şimalındakı görməli yerlərə gedir. Lakin yer xüsusi quruluşuna görə olduqca təhlükəli hesab olunur.
Aydan AXUNDOVA