Türkiyədə PKK-çılarla ağır döyüş olub - Ölən və yaralananlar var

5 Avqust 2016 17:10 (UTC+04:00)

AzNews.az Türkiyə KİV-lərinə istinadən xəbər verir ki, Şemdinlidə hərbi baza bölgəsinə PKK terrorçuları tərəfindən hücum təşkil edilib. Hərbçilər dərhal terrorçulara cavab atəşi açıblar. Atışma nəticəsində 2 əsgər şəhid olub, 6 əsgər yaralanıb.

Münaqişənin davam etdiyi bölgəyə əlavə polis qüvvələri cəlb edilib. Sərhəddə PKK-lı terrorçuların yerləşdiyi nöqtələr top atəşinə tutulub. Daha sonra döyüş təyyarələri terrorçulara bombalamağa başlayıb.

Aydan AXUNDOVA