ŞOK! Mer özünü Semaşko adına xəstəxanadan atdı

26 Noyabr 2012 18:21 (UTC+04:00)
Hadisə noyabrın 25-də Semaşko adına xəstəxanada baş verib. Simferopolda müalicə alan Krım vilayətinin Malıy Mayak qəsəbəsinin meri Leonid Malık özünü xəstəxananın pəncərəsindən atıb.

Məlumata görə, naməlum şəxslər meri psixiatrik xəstəxanaya yerləşdirmək istədikdə, xəstə tualetə getmək bəhanəsi ilə onlardan aralanaraq özünü 3-cü mərtəbədə yerləşən tualetin pəncərəsindın atıb.

Qeyd olunur ki, Semaşko adına xəstəxanada L.Malıka tərkibi bilinməyən iynələr vurublar. Meri tanıyanların sözlərinə görə, Malık çox namuslu insan olub. Seçicilər ona çox inanıblar və qəsəbədə aparılan abadlıq, quruculuq işləri bu inamı get-gedə artırıb.

Merin üzərinə saxta cinayət işi "asmaq" istəyənlər isə onu uzun müddət təqib ediblər. Bu da məmurun güclü sarsıntı keçirməsinə səbəb olub. "Onun intiharının səbəbkarı hazırki sistemdir" – deyə qəsəbə sakinləri kədərlərini gizlətmirlər.

İnci
AzNews.az