Həkimlər körpənin orqanlarını çıxardılar

27 Noyabr 2012 18:20 (UTC+04:00)

26 yaşlı ana bildirir ki, doğuşdan bir neçə saat sonra ölən körpəsinin ürəyi və digər orqanları çıxarılıb. Hadisə Penza vilayətinin Kamenki şəhərində baş verib. 2 saylı doğum evində keysəriyyə əməliyyatı ilə dünyaya gələn uşağın anası narkozdan ayılandan sonra həkimlər ona qızının öldüyünü deyiblər.

Qadının sözlərinə görə, onun hamiləliyi normal keçib və müayinələr zamanı döldə heç bir problem olmayıb. Lakin həkimlər uşağın çox zəif olduğunu və ürəyində ciddi problemlərin yarandığını deyiblər.

Həkimlərə inanmayan ana istintaq orqanlarına müraciət edərək körpəsinin eksqumasiya edilməsini tələb edib və məlum olub ki, qızın ürəyi və diğər orqanları çıxarılıb.

Həkimlər günahı boyunlarından ataraq bildirirlər ki, uşaqda hamiləlik dövründə bilinməyən bir çox qüsurlar olub. İstintaq isə körpənin orqanlarının hansı məqsədlə çıxarıldığını hələ müəyyən edə bilməyib.

İnci
AzNew.az