“Qardaşıyla dənizə getdiyi üçün öldürdüm” - Bakıdakı qətlin təfərrüatı + Video

23 Avqust 2016 10:40 (UTC+04:00)

AzNews.az Region TV-yə istinadən xəbər verir ki, Fidani İsmayılovun qəsəbədə yaşayan Əfsanə Məmmədova və onun qardaşı Anarı bıçaqlamasının səbəbi qısqanclıq olub.

Fidani İsmayılov cinayəti törətdikdən sonra hadisə yerini tərk edib. Lakin Binəqədi Rayon Polis İdarəsi 4-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində tutularaq istintaqa təhvil verililib.

Saxlanılan şəxs dindirilərkən hələ də hadisənin şokunda olduğunu bildirib. Onun sözlərinə görə, Əfsanə Məmmədova ilə bir müddət əvvəl tanış olub. Daha sonra qadın ona birgə yaşamağı təklif edib. Ailəli olmasına baxmayaraq, Fidani bu təklifi qəbul edib. Hadisə baş verən gün isə Əfsanə Fidaniyə xəbər etmədən qardaşı Anarla dənizə gedib. Bundan əsəbiləşən kişi əlini bıçağa atıb.

Artıq faktla bağlı Binəqədi Rayon Polis İdarəsində Fidani İsmayılov barəsində cinayət işi başlanıb, araşdırma aparılır.