Obamadan Əsədə “kimyəvi“ xəbərdarlıq

4 Dekabr 2012 08:58 (UTC+04:00)

ABŞ prezidenti Barak Obama Suriya prezidenti Bəşər Əsədə üsyançılarla mübarizədə kimyəvi silahdan istifadə edəcəyi təqdirdə ağır nəticələrlə üzləşəcəyi xəbərdarlığını edib. Bu barədə "France Press" agentliyi məlumat yayıb.

Obama qeyd edib ki, kimyəvi silahdan istifadə qətiyyən yolverilməzdir.
ABŞ prezidentinin sözlərinə görə, Əsəd və ordu rəhbərləri başa düşməlidirlər ki, dünya ictimaiyyəti bu istiqamətdə onların hərəkətlərini yaxından izləyir.

Dünən Ağ Ev administrasiyasının adının çəkilməsini istəməyən rəsmilərindən biri bildirmişdi ki, Vaşinqtonda Suriya ordusunun zarin qazından istifadə hazırlığı ilə bağlı məlumatlar var.

Tərlan
AzNews.az