Daxili İşlər Nazirliyinin mətbuat xidmətindən AzNews.az-a verilən məlumat görə, yanvarın 4-də Səbail rayonunun Neftçilər prospektindəki otellərdən birində Birləşmiş Ərəb Əmirliyi vətəndaşları Abdullah İbrahim Əlzaidin yaşadığı otaqdan geyim əşyaları və Muhammed Muammar Abdullahın yaşadığı otaqdan 1500 avro dəyərində brilyant qaşlı boyunbağı oğurlanıb.
Səbail RPİ 39-cu PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini Aylana Hacıyeva tutulub.