Məhkəmədə Çovdarovla zərərçəkən arasında mübahisə düşdü

11 Yanvar 2017 18:32 (UTC+04:00)

AzNews.az Apa-ya istinadən xəbər verir ki, Bakı Hərbi Məhkəməsinin sədri Həbib Həsənovun sədrliyi ilə jurnalistlərin iştirakı olmadan keçirilən prosesdə zərərçəkmiş İlham Xəlilov prokurorun suallarını cavablandırıb. O,bildirib ki, A. Çovdarov ondan pul alıb.

Daha sonra şahid qismində Adil Yaqubov və A. Çovdarovun sürücüsü olmuş Nurxan Atakişiyev ifadə verib. A. Yaqubov bildirib ki, zərərçəkmiş İlham Xəlilovun dedikləri yalandır və A. Çovdarov İlham Xəlilovdan pul almayıb. N. Atakişiyev də bildirib ki, İ. Xəlilovdan pul almayıb:

"İlham Xəlilov deyir ki, pulu mən alıb Akif Çovdarova vermişəm. Lakin bu yalandır" .

A. Çovdarov isə zərərçəkmiş şəxs İlham Xəlilova deyib ki, yalan danışır:

"Yalan deyənin var-yoxuna söyərdim. Lakin qadınlar var açıq danışa bilmirəm".

Proses yanvarın 16-da davam edəcək.