AzNews.az RiaNovosti-yə istinadən xəbər verir ki, Tramp bildirib ki, Rusiyadan başqa digər ölkələr də ABŞ-a qarşı kiberhücumlar törədir.
Tramp yenidən prezident Barak Obama tərəfindən qəbul edilmiş səhiyyə islahatını ləğv edəcəyini təkrarlayıb.
O, həmçinin yanvarın 20-də prezident postuna gəldiyi gün Meksika sərhəddində divarın tikintisi ilə bağlı göstəriş verəcəyini deyib.
***
ABŞ-ın yeni seçilmiş prezident Donald Tramp mətbuat konfransına onunla bağlı yayılan qalmaqallı məlumatlara münasibət bildirməklə başlayıb.
AzNews.az RiaNovosti-yə istinadən xəbər verir ki, Tramp KİV-də yayılan məlumatların həqiqətə uyğun olmadığını bildirib. Mətbuata bu lazımsız informasiyalara əhəmiyyət vermədiyi üçün təşəkkür edib.
Tramp bildirdi ki, Rusiya prezidenti Vladimir Putinlə "yola getməyə" hazırdı. O, Rusiyayla birlikdə İŞİD-ə qarşı birgə mübarizə aparacağına ümid edir.
Həmçinin, çıxışı zamanı Tramp ABŞ-da iş yerlərini maksimal dərəcədə artıracağına söz verib:
“Bir çoxları düşünür ki, mən ölkədə ən böyük iş yerlərinin yaradıcısı olacam. ”
Tramp mətbuat konfransına qızı İvanka Tramp və kürəkəni Cared Kuşnerlə birlikdə gəlib.
Adətən, ABŞ-ın yeni seçilmiş prezidentləri seçkidən dərhal sonra mətbuat konfransı keçirir.