Nazir jurnalistə qəzəbləndi: “Sizə kim tərbiyə verib?”

12 Aprel 2017 15:58 (UTC+04:00)

AzNews.az dünya mətbuatına istinadən xəbər verir ki, insident Rusiya və ABŞ xarici işlər nazirlərinin görüşündən əvvəl baş verib. Nazirlərin otağa daxil olduğunu görən amerikalı jurnalistlərdən biri qışqıraraq Sergey Lavrova “Siz Suriya hökümətinə dəstək verirsiniz?”, “Ağ evin dünənki bəyanatını necə şərh edirsiniz?”-deyə sual verməyə başlayıb.

Jurnalistin yüksəksəslə qışqırmasından qəzəblənən Sergey Lavrov jurnalistə “Sizə kim tərbiyə verib? Kim sizə belə davranış öyrədib?” deyib.

Bundan sonra hamıyla salamlaşan Sergey Lavrov sözü amerikalı həmkarına verib.

Çıxışlar bitdikdən sonra Lavrov həmin jurnalistə “Hə, indi qışqıra bilərsiniz”-deyib. Juranlist isə gülümsəyərək yenidən suallarını təkrar edib.

Rusiya xarici işlər nazirliyinin mətbuat xidmətinin rəhbəri Mariya Zaxarova insidenti şərh edərək amerikalı jurnalistlərin rəftarını “bazar” adlandırıb.