AzNews.az AzVision.az-a istinadən xəbər verir ki, AMEA-nın həqiqi və müxbir üzvlüyünə keçirilən seçkilərin nəticələri bu gün açıqlanıb.
Nəticələrə əsasən, millət vəkilləri Nizami Cəfərov (Dilçilik), Yaqub Mahmudov (Tarix), Gövhər Baxşəliyeva (Şərqşünaslıq) AMEA-nın həqiqi üzvləri seçiliblər.
Milli Məclisin deputatı Musa Qasımlı (Tarix), sabiq təhsil naziri Misir Mərdanov isə (Riyaziyyat) AMEA-nın müxbir üzvləri seçiliblər.
Qeyd edək ki, AMEA Rəyasət Heyətinin seçkilərlə bağlı qərarına əsasən elmi və ali təhsil müəssisələri tərəfindən AMEA-nın həqiqi üzvlüyünə 29, müxbir üzvlüyünə 143 namizəd irəli sürülmüşdü.
AMEA-nın mayın 2-də keçirilən ümumi yığıncağında AMEA-nın həqiqi üzvlüyünə 16, müxbir üzvlüyünə isə 25 nəfər seçilib.