AzNews.az xəbər verir ki, həyata keçirilən bir sıra tədbirlərin yekunu olaraq cari ilin 10 may tarixində Heydər Əliyev parkında tədbir təşkil olunub. Mərasimdə Həştərxan vilayətinin beynəlxalq münasibətlər və xarici iqtisadi əlaqələr naziri Denis Afanasyev, "Həştərxan şəhər" bələdiyyəsinin administrasiya rəhbəri Oleq Polumordvinov, vilayət və şəhərin digər rəsmiləri, Azərbaycan diaspora rəhbəri Ədalət Hüseynov, AMOR-un Həştərxan bölməsinin nümayəndələri, Heydər Əliyev adına məktəbin direktoru Tatyana Tixomirova, məktəbin müəllim və şagirdləri, Azərbaycan diasporunun nümayəndələri, regional qeyri-hökumət təşkilatları və gənclər iştirak ediblər.
Mərasimin əvvəlində iştirakçılar Ümummilli Liderimiz Heydər Əliyevin abidəsini ziyarət edib, abidənin önünə gül dəstələri qoymuşub, dahi şəxsiyyətin əziz və parlaq xatirəsini yad ediblər. Azərbaycan xalqının Ümummilli Lideri Heydər Əliyevin həyat və fəaliyyətindən, iki xalq və dövlət arasında dostluq münasibətlərinin möhkəmlənməsi və inkişafında Ulu Öndərin əvəzsiz rolundan danışıblar.
