ARB Şəki xəbər verir ki, Qax rayonu Almalı kəndində yaşayan, əslən Kəlbəcər rayonundan olan Həşimov Yaşarı qoyun otaran zaman ilan sancıb.
Onun dediyinə görə ilanı görməyib və üstündən basıb. Dərhal o öz yaxınlarına zəng edib və onu Qax rayon mərkəzi xəstəxanasının reanimasiya şöbəsinə yerləşdiriblər. Yaşar Həşimova lazımı tibbi yardım göstərilib, ilan zəhəri əleyhinə qarşı zərdab vurulub.
Həşimov Yaşar (zərəçəkən): "Qoyun otarırdım. Torpaq Qala deyilən sahədə. Otun arasından gördüm sancdı. Baxanda gördüm yekə ilan. Evdə valideynlərimə zəng etdim gəlib çatdılar"
Yaşar Həşimovun vəziyyətinin hazırda orta-stabil olduğu bildirilir.
AzNews.az