Helikopterdə ölən hərbçilərin adları məlum oldu

11 Fevral 2013 12:29 (UTC+04:00)


Hərbi mənbələrdən APA-ya verilən məlumata görə, Xəzər dənizinə düşən "Mİ-17" markalı helikopterdə 3 nəfər olub. Bunlar helikopteri idarə edən Yaşar Əhmədov, mexaniklər Bəhruz Zeynalov və Rüstəm Rüstəmovdur.

Hadisə yerinə cəlb edilən Fövqəladə Hallar Nazirliyinin xilasediciləri artıq Rüstəm Rüstəmovun meyitini sudan çıxarıblar. Hazırda digər şəxslərin axtarışları davam etdirilir.

Qeyd edək ki, bu gün saat 10.30-da Hərbi Hava Qüvvələrinə məxsus helikopter radarlardan itərək "Şıxov" çimərliyi istiqamətində qəzaya uğrayıb.