Özünü öldürməzdən əvvəl evini ona bağışladı - Bakıda dəhşət

19 İyun 2017 16:32 (UTC+04:00)

APA-nın məlumatına görə, Xəzər rayonunun Buzovna qəsəbəsində Naxçıvan sakini, 1979-cu il təvəllüdlü Anar Məmməd oğlu Məmmədov yaşadığı evdə məftillə özünü asıb. A. Məmmədov özünə qəsd etməzdən əvvəl məktub yazıb. Məktubda o, ölümündə heç kimin günahı olmadığını bildirib.

AzNews.az Lent.az-a istinadən xəbər verir ki, Buzovna qəsəbəsində özünü asaraq intihar edən 38 yaşlı Məmmədov Anar Məmməd oğlu bir neçə ay əvvəl Naxçıvan Muxtar Respublikasının Şərur rayonundan Bakıya gəlibmiş. O, Buzovnada qardaşının yaşadığı evin həyətindəki digər mənzildə yaşayırmış və işsiz imiş.

A.Məmmədov həyatına qəsd etməzdən əvvəl yazdığı məktubda isə evini və telefonunu qardaşı oğluna bağışladığını qeyd edib. İntiharına görə bacısına üzrxahlıq edən 38 yaşlı kişi hansı səbəbdən həyatına son qoymasına isə toxunmayıb. Bununla belə o, bu həyatda daha yaşaya bilmədiyi və həyatına son qoymaq istədiyini yazıb.

Araşdırmalar davam etdirilir.