AzNews.az “Trend”ə istinadən xəbər verir ki, hadisə rayonun Gürcüvan kəndində qeydə alınıb.
Kənd sakinlərindən birinə məxsus "URAL" markalı yük avtomobili kənd ərazisində yüksək gərginlikli elektrik xəttinə toxunub.
Hadisə nəticəsində qısaqapanma yaranıb və avtomobildə yanğın başlayıb. Yanğın ətrafdakı iki fərdi yaşayış evinə də keçib. Sakinlərin müdaxiləsi nəticəsində evlərdə yanğının artmasının qarşısı alınsa da, yük avtomobili yanıb.
Yanğın zamanı kənd ərazisində məskunlaşan Laçın rayonundan olan məcburi köçkün Hafiz Eldar oğlu Abbasov müxtəlif dərəcəli yanıq xəsarətləri ilə xəstəxanaya yerləşdirilib.
Faktla bağlı araşdırma aparılır.
AzNews.az