AzNews.az xarici KİV-ə istinadən xəbər verir ki, toy Kaliforniyada baş tutub. Nigah mərasimində cütlüyün ən yaxın dostları, qohumları iştirak edib.
Mərasim ABŞ-da baş tutsa da, toy italyan üslubunda və adət-ənənələrinə uyğun keçirilib.
Byanka gəlinliyini siması olduğu brend Dolce&Gabbana-dan seçib. Byanka təkcə bu brendlə çalışmır, həm də Domeniko Dolçe və Stefano Qabbano ilə yaxın dostdur.
2014-cü ildə tanış olan cütlüyün Miyu adlı qız övladı da var.
1984-cü ilin martın 19-da İtaliyanın Lombardiya volayətinin Lodi şəhərində dünyaya gələn Byankanın atası italiyan, anası isə Azərbaycan türküdür və İran əsillidir.
Byanka Balti son illərdə bir neçə dəfə Azərbaycanda da səfərdə olub.