Prezidentimiz MDB sammitində çıxış edib

11 Oktyabr 2017 17:03 (UTC+04:00)

AzNews.az xəbər verir ki, Prezident İlham Əliyev iclasda iştirak edib.

Rusiya Federasiyasının Prezidenti Vladimir Putin Prezident İlham Əliyevi qarşılayıb.

Azərbaycan və Rusiya prezidentləri birgə foto çəkdiriblər. Sonra iclas öz işinə başlayıb. İclasın gündəliyinin kifayət qədər zəngin olduğunu deyən Rusiya Federasiyasının Prezidenti Vladimir Putin iclasda MDB çərçivəsində qarşılıqlı əlaqələrin gələcəkdə möhkəmləndirilməsi yollarının müzakirə olunacağını, əməkdaşlığın səmərəliliyinin artırılması istiqamətində fikir mübadiləsi aparılacağını qeyd edib. Rusiya Prezidenti bildirib ki, iclasda əsas diqqət ənənəvi olaraq iqtisadi, ticari və investisiya qoyuluşu sahələrində, həmçinin humanitar sahədə əlaqələrin inkişafına yönələcək. Prezident Vladimir Putin qarşılıqlı maraqlara əsaslanan yeni iri layihələrin həyata keçirilməsi üçün bütün imkanların mövcud olduğunu qeyd edərək görüşün mədəniyyət, təhsil, elm, turizm sahələrində təcrübə mübadiləsinin genişləndirilməsinə təkan verəcəyinə əminliyini bildirib.

Sonra MDB İcraiyyə Komitəsinin sədri-icraçı katib Sergey Lebedev bildirib ki, iclasın gündəliyi 16 məsələdən ibarətdir. Təqdim olunan sənədlərin layihələri ekspertlər tərəfindən araşdırılıb, ölkələrin nümayəndələri ilə razılaşdırılıb. İqtisadi sahəyə aid sənədlər isə MDB İqtisadiyyat Şurası tərəfindən təsdiq olunub.

Prezident İlham Əliyev iclasda çıxış edib.