Yerevanda mitinq keçirmək qadağan olundu
22 Fevral 2013 10:40 (UTC+04:00)
Bu barədə "Novosti-Armeniya" Yerevan meriyasının mətbuat xidmətinə istinadən xəbər verir.
Armen Martirosyan fevralın 20-də şəhər rəhbərliyinə fevralın 23, 24 və 25-də Azadlıq meydanında saat 15.00-dan 19.00-dək mitinq keçirilməsi barədə xəbərdarlıq təqdim edib.
Meriya "İnzibatçılığın prinsipləri və inzibati icraat haqqında" qanunun 33-cü maddəsinin üçüncü bəndini əsas götürərək ərizəni geri qaytarıb. Çünki "Toplanma azadlığı haqqında" qanunun 12-ci maddəsinə uyğun olaraq xəbərdarlığı toplantının keçirilməsinə ən azı yeddi gün qalmış təqdim etmək olar.
Məlumatda o da bildirilir ki, indiki halda ərizə qanunla müəyyən olunmuş müddətdən gec təqdim olunub.
AzNews.az