Azərbaycanlı biznesmenlər Türkiyəyə neçə milyard sərmayə qoyub?

22 Fevral 2013 12:28 (UTC+04:00)
Azərbaycanın iş adamları indiyədək Türkiyə iqtisadiyyatına ümumilikdə 3,2 mlrd. avro həcmində sərmayə yatırıblar. Bu barədə "APA-Economics"ə Azərbaycan-Türkiyə İş Adamları Birliyi (ATİB) İdarə Heyətinin sədri Cemal Yanğın bildirib.

Onun sözlərinə görə, bu göstərici hazırda Türkiyədə iri layihələr reallaşdıran Azərbaycan Dövlət Neft Şirkətinin yatırdığı investisiyaları çıxmaq şərti ilə yatırılan sərmayəni göstərir. ATİB rəhbəri bildirib ki, azərbaycanlı iş adamlarının Türkiyəyə yatırılan investisiyaların 1 mlrd. avrosu kiçik və orta biznesə yönəldilib, investisiyaların tərkibində hotel və mehmanxanalar da böyük yer tutur.

C.Yanğın qeyd edib ki, hazırda Türkiyədə azərbaycanlı iş adamları tərəfindən yaradılan şirkətlərin sayı 900-ə çatır. Həmyerlilərimiz Türkiyədə ticarət, turizm, istehsal, logistika, səhiyyə və digər sektorlarda fəaliyyət göstərirlər.

AzNews.az