DİN-dən AzNews.az-a verilən məlumata görə, fevralın 4-də Xaçmaz rayonunun Çarxı kəndində kənd sakini Ehtiram Hidayətov münaqişə zəminində ov tüfəngindən açdığı atəşlə həmkəndlisi Əfqan Cəfərova xəsarət yetirmişdir. Ə.Cəfərov hadisə yerində ölüb. E.Hidayətov könüllü RPŞ-yə gələrək təslim olub.
Xaçmaz RPŞ əməkdaşları tərəfindən onun evinə baxış zamanı “İJ-54” markalı tüfəng aşkar edilərək götürülüb.
***
09:54
Xaçmaz rayonunda qətl hadisəsi baş verib.
APA-nın şimal bürosunun verdiyi məlumata görə, hadisə rayonun Şarxı kəndində qeydə alınıb.
Kənd sakini 1973-cü il təvəllüdlü Hidayətov Ehtiram Əliyar oğlu həmkəndlisi, 1973-cü il təvəllüdlü Cəfərov Əfqan Malik oğlunu borca görə düşən mübahisə zamanı özünə məxsus ov tüfəngi ilə qətlə yetirib.
Faktla bağlı Xaçmaz rayon Prokurorluğunda cinayət işi açılıb, araşdırmalar davam etdirilir.
AzNews.az