"Öncə Azərbaycan xalqının Novruz Bayramını təbrik edirəm. İnşallah bu Novruz Azərbaycanın birliyinin, bütövlüyünün güclənməsinə, stabilliyinin davamına, işğal altında olan torpaqlarının da tez zamanda azad edilməsinə vəsilə olar".
Bunu "Report"a açıqlamasında türkiyəli siyasətçi, keçmiş millət vəkili Sinan Oğan deyib.
S.Oğan aprelin 11-də Azərbaycanda keçiriləcək prezident seçkiləri ilə bağlı fikirlərini də bölüşüb: "Azərbaycan önəmli seçkilər ərəfəsindədir. Bu seçkilərdə Azərbaycan xalqına uğurlar arzu edirəm. Türkiyədəki siyasətçi olaraq Azərbaycandakı seçkiləri də yaxından izləyirik. Azərbaycanda stabilliyin davamlı olması üçün bu seçkiləri əhəmiyyətli hesab edirəm. İndidən seçkilərdə iştirak edən bütün tərəflərə uğurlar arzu edirəm".
AzNews.az