AzNews.az xəbər verir ki, “İnter” bu qələbə sayəsində xalını 69-a çatdırıb və Çempionlar Liqasına qatılmaq şansını qoruyub.
Hazırda turnir cədvəlinə 91 xalla “Yuventus” başçılıq edir. 4 xal geri qalan “Napoli” ikincidir. “Latsio" və “Roma” 70 xalla 3-4-cü pillələri bölüşürlər. “İnter” 69 xalla 5-ci yerdə qərarlaşıb. “Udineze” isə 34 xalla 17-cidir.
Argentinalı futbolçu son 59 ildə “İnter” forması ilə 28 və daha artıq qol vuran ilk futbolçu olub. Sonuncu dəfə 1958/59 mövsümündə Antonio Ancelillo “neradzurra”nın heyətində 33 qola sevinmişdi.
Qeyd edək ki, hazırda A seriyasının bombardiri 29 qolla Çiro İmmobiledir. Amma “Latsio”nun oyunçusu mövsümün sonuna qədər sıradan çıxdığı üçün qalan iki turda İkardinin onu keçmək şansı var.