“Qarabağ” avrokubok üçün stadionu seçdi

27 May 2018 18:17 (UTC+04:00)

AzNews.az xəbər verir ki, bu haqda Qol.az-a Ağdam klubunun baş məşqçisi Qurban Qurbanov məlumat verib.

Ötən illərdə olduğu kimi, Q.Qurbanovun komandası rəqiblərini yenə Tofiq Bəhramov adına Respublika Stadionunda qəbul edəcək. Klub Çempionlar Liqasının, yaxud Avropa Liqasının qrupuna düşəcəyi halda isə Bakı Olimpiya Stadionunda (BOS) oynamağı nəzərdə tutur.

Xatırladaq ki, 2017/18 mövsümündə ÇL-in qrupuna düşən "Qarabağ" ev oyunlarını BOS-da keçirmişdi.

Xatırladaq ki, “Qarabağ” yeni mövsüm Çempionlar Liqasında mübarizəyə birinci mərhələdən başlayacaq. Bu mərhələnin oyunları 10-11 iyul, cavab matçları 17-18 iyulda olacaq. “Qarabağ”ın rəqibinin adına, eləcə də Bakıda ilk matçını nə vaxt keçirəcəyinə iyunun 19-dakı püşkatmadan sonra aydınlıq gələcək.