AzNews.az xəbər verir ki, bu qələbə ilə Braziliya qrup birincisi olaraq pley-off mərhələsinə yüksəlib.
Serbiyaya 2-0 hesabı ilə qalib gələn Braziliya 1/8 finalda Meksika ilə qarşılacaq.
Oyunda qolları Paulinyo və Tiaqo Silva vurub. Onlar müvafiq olaraq 36 və 68-ci dəqiqələrdə fərqləniblər.
Qrupun digər oyunu İsveçrə və Kosta-Rika milliləri arasında olub. Bu oyunda 2-2 hesablı heç-heçə qeydə alınıb.
Beləliklə də Braziliya kimi İsveçrə də pley-offa adlaya bilib. İsveçrənin rəqibi isə İsveç yığması olacaq.