Gəncədə 3 min dollara narkotik maddə satan şəxs yaxalanıb

25 Mart 2013 10:01 (UTC+04:00)

Gəncədə narkotik maddə satışının qarşısı alınıb. Daxili İşlər Nazirliyinin Baş Narkotiklərlə Mübarizə İdarəsinin Qərb bölgəsi üzrə regional şöbəsinin rəis əvəzi, polis polkovnik leytenantı Rəfael İsmayılovun APA-ya verdiyi məlumata görə Şəmkir sakini, 1959-cu il təvəllüdlü Sərdar Aslanov 8,1 kiloqram narkotik maddə olan marixuananı Gəncədə 3 min ABŞ dollarına satmaq istəyərkən saxlanılıb. Saxlanılan şəxs əvvəllər soyğunçuluq etdiyinə görə məhkumluq həyatı yaşayıb.

Faktla bağlı toplanılan materiallar Baş Mütəşəkkil Cinayətkarlıqla Mübarizə İdarəsinə göndərilib.

AzNews.az