Milli Məclisin deputatı Fəzail İbrahimli AzNews.az-a açıqlamasında Gəncə hadisələrini şərh edib.
Millət vəkili qeyd edib ki, Gəncə daim azadlıq uğrunda mübarizə aparan tarixə malikdir. Belə bir məkanda insan ölümü ilə nəticələnən hadisələr hər bir Azərbaycan sakinini, o cümlədən də gəncəliləri məyus etdi: "Bəs Gəncədə nə baş verdi? Bilirsiniz, Azərbaycan dünyanın ən müstəqil ölkələrindən biridir, sərhədlərini özü qoruyur. Ərazisində heç bir dövlətin hərbi bazası yoxdur. müsəlman dünyası qan-qada içərisindədir, bizdə isə əmin-amanlıq hökm sürür. Dünyaya nümunə olan bir sabitlik var Azərbaycanda. Bu sabitliyə, əmin-amanlığa qarşı uzanmış caynaqlardı həmin hadisələri törədənlər”.
Fəzail İbrahimli deyib ki, müstəqilliyimizə xain gözlə baxanların arzusu ürəyində qalacaq: "Bu hadisədə xalq, millət qurban verib. Burada siyası çaxnaşma salmaq, hərc-mərclik yaratmaq və öz istəyinə uyğun olan bir məmləkət yaratmaq fikrinə düşənlərin qarşısını elə Gəncə çamaatı, ziyalıları və ağsaqqalları alacaq”.
Bahar RÜSTƏMLİ
AzNews.az