Soyuq silahla parlamentə daxil olmağa çalışan şəxs tutuldu

26 Mart 2013 09:55 (UTC+04:00)

Ötən həftə bıçaqla silahlanaraq Ermənistan parlamentinə daxil olmağa çalışan Vrej Qalstyan haqqında iki aylıq həbs qətimkan tədbiri seçilib.

APA-nın məlumatına görə, məhkəmə həbs-qətimkan tədbirinin seçilməsi ilə bağlı prokurorluğun iddiasını təmin edib. Vrej Qalstyan "Nubaraşen" cəzaçəkmə müəssisəsinə göndərilib.

Qeyd edək ki, martın 23-də təhlükəsizlik xidməti əməkdaşlarının xəbərdarlığına tabe olmayan bir şəxs parlamentə daxil olmağa cəhd edib və bu zaman mühafizəçilərdən birini bıçaqla vurub. Həmin şəxsi zərərsizləşdirmək üçün travmatik silah tətbiq olunub və nəticədə o sol budundan yara alıb. İnsidentin səbəbkarının əvvəllər iki dəfə məhkum olunmuş, 1988-ci il təvəllüdlü Masis şəhər sakini Vrej Qalstyan olduğu müəyyənləşib. Qalstyanın əsəb dispanserində qeydiyyatda olduğu bildirilir.

AzNews.az